The news is by your side.

انسان سچا ہو تواللہ بھی ساتھ نہیں چھوڑتا، نواز شریف کا مریم نواز کی بریت پر ردعمل

لندن : مسلم لیگ ن کے قائد نواز شریف کا کہنا ہے کہ انسان سچا ہو تواللہ بھی ساتھ نہیں چھوڑتا، حق اور سچ پوری قوم اور دنیا کے سامنے آگیا ہے۔

تفصیلات کے مطابق مسلم لیگ ن کے قائد نواز شریف نے مریم نواز کی بریت پر ردعمل دیتے ہوئے کہا کہ کئی سال پہلےاپنامعاملہ اللہ کےسپرد کیا تھا، انسان سچا ہو تواللہ بھی ساتھ نہیں چھوڑتا۔

آج ثابت ہوگیا اللہ تعالٰی نے حق اور سچ کو پوری دنیا میں دکھا دیا ہے۔

گذشتہ روز اسلام آباد ہائی کورٹ فیصلے کے بعد مسلم لیگ ن کی نائب صدر مریم نواز نے نوازشریف سے فون پر گفتگو کی تھی۔

مریم نواز نے بات کرتے ہوئے کہا تھا اللہ تعالیٰ نےآپ کوسرخروکیا، جلد اللہ تعالیٰ آپ کو عزت سے واپس لے کرآئے گا۔

مریم نواز کا کہنا تھا کہ فیصلہ سنا تو سب سے پہلے والد نواز شریف کی یادآئی،مریم نواز اللہ کا شکراداکرتی ہوں کہ نوازشریف کوسرخروکیا۔

یاد رہے اسلام آباد ہائی کورٹ نے مریم نواز اور صفدر کی اپیلوں پر فیصلہ سناتے ہوئے ایون فیلڈریفرنس میں سزاؤں کا فیصلہ کالعدم قرار دے دیا۔

اسلام آبادہائیکورٹ نے مریم نواز ، صفدرکی بریت کی اپیلیں منظور کرتے ہوئے دونوں کو باعزت بری کردیا تھا۔

Comments

یہ بھی پڑھیں