لندن : مسلم لیگ ن کے قائد نواز شریف کا کہنا ہے کہ پی ٹی آئی کی ڈیمانڈکاکوئی سرپیرنہیں ، ان کی ڈیمانڈ 20 سال سے سب نے دیکھ رکھی ہیں۔
تفصیلات کے مطابق مسلم لیگ ن کے قائد نواز شریف نے لندن میں میڈیا سے گفتگو کرتے ہوئے کہا کہ حرمین میں پاکستان کی سلامتی کیلئےدعائیں مانگیں۔
پی ٹی آئی کے حوالے سے نواز شریف کا کہنا تھا کہ پتہ نہیں پی ٹی آئی کیا ڈیمانڈ کر رہی ہے، اس کا کوئی سر پیر نہیں، پی ٹی آئی کی ڈیمانڈ بیس سال سےسب نے دیکھ رکھی ہیں۔
یاد رہے مسلم لیگ ن کے قائد نواز شریف نے چیف جسٹس عمر عطا بندیال سے مستعفی ہونے کا مطالبہ کرتے ہوئے کہا تھا کہ چیف جسٹس مزید تباہی کرنے کے بجائے فی الفور مستعفی ہوجائیں۔
نواز شریف کا کہنا تھا عدالتیں قوموں کو بحرانوں سے نکالتی ہیں دھکیلتی نہیں، چیف جسٹس نے اکثریتی فیصلے پر اقلیتی رائے مسلط کردی۔
انہوں نے کہا تھا کہ چیف جسٹس نے نہ جانے کونسا اختیار استعمال کیا ہے، منصب، آئین کی توہین کرتے ہوئے پی ٹی آئی ایجنڈے کو آگے بڑھایا ہے۔
