ایبٹ آباد: سابق وزیر اعظم نواز شریف آج کالج گراؤنڈ میں جلسے سے خطاب کریں گے۔ جلسے سے قبل سیکیورٹی کے تحت کالج کے 4 ہاسٹلز سے 500 سے زائد طلبا کو بے دخل کر کے ہاسٹلز کو تالے لگا دیے گئے۔
تفصیلات کے مطابق سابق وزیر اعظم نواز شریف آج ایبٹ آباد کے کالج گراؤنڈ میں جلسے سے خطاب کریں گے۔
جلسے کی سیکیورٹی کے لیے پولیس نے سیکیورٹی پلان ترتیب سے دیا ہے جس کے تحت ایک ہزار اہلکار پنڈال اور اطراف کے علاقے میں تعینات ہوں گے۔ ڈی پی او اشفاق انور کے مطابق خواتین پولیس اہلکار بھی تعینات ہوں گی۔
دوسری جانب نواز شریف کے عوامی طاقت کے مظاہرے میں عوام ہی رل گئے۔ کالج گراؤنڈ کے اطراف کی سڑکیں کنٹینرز لگا کر بند کردی گئیں جس سے شہریوں کو شدید پریشانی کا سامنا کرنا پڑ رہا ہے۔
جلسے کی وجہ سے پولیس نے رات گئے کالج ہاسٹلز کو خالی کروا کر تالا لگا دیا۔ کالج کے 4 ہاسٹل میں 500 سے زائد طلبا رہائش پذیر ہیں جنہیں بے دخل کردیا گیا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
