The news is by your side.

Advertisement

مسلم لیگ ن آج صادق آباد میں عوامی طاقت کا مظاہرہ کرے گی

صادق آباد : صوبہ پنجاب کے شہرصادق آباد میں مسلم لیگ ن سیاسی قوت کا مظاہرہ کرے گی، مسلم لیگ ن کے قائد نوازشریف جلسے سے خطاب کریں گے۔

تفصیلات کے مطابق مسلم لیگ ن آج صادق آباد میں جلسہ کرے گی، سابق وزیراعظم نوازشریف اور ان کی صاحبزادی مریم نواز سمیت دیگرپارٹی رہنما جلسے سے خطاب کریں گے۔

جلسے کے حوالے سے انتظامات کو حتمی شکل دے دی گئی ہے، جلسہ گاہ میں شرکاء کے بیٹھنے کے لیے کرسیاں لگائی گئی ہیں۔

پولیس حکام کی جانب سے صادق آباد میں مسلم لیگ ن کے جلسے کی سیکورٹی کے لیے سخت انتظامات کیے گئے ہیں۔


ہمارا مقابلہ عمران یا آصف زرداری سے نہیں ہے‘ نوازشریف

خیال رہے کہ گزشتہ روزساہیوال میں جلسے سے خطاب کرتے ہوئے سابق وزیراعظم نواز شریف کا کہنا تھا کہ ہمارا مقابلہ عمران یا آصف زرداری سے نہیں ہے، بلکہ ایسی قوتوں کے ساتھ ہے جو نظر نہیں آتیں لیکن انھیں آپ سمجھتے ہیں۔

نواز شریف کا کہنا تھا کہ مجھے واپس لانے کا ایک راستہ ہے، ن لیگ کو اتنے ووٹ دو کہ قانون اور اس کے فیصلے کو اٹھا کر باہر پھینکا جاسکے، آپ کا ووٹ قانونی فیصلوں کو ختم کرسکتا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں