لاہور: نا اہل سابق وزیراعظم اور مسلم لیگ ن کے صدر میاں محمد نوازشریف کل لندن سے وطن واپس پہنچیں گے۔
تفصیلات کے مطابق نا اہل سابق وزیراعظم اور مسلم لیگ ن کے صدر میاں محمد نوازشریف کل لندن سےلاہور پہنچیں گے۔
نوازشریف کے ساتھ ان کی صاحبزادی مریم نواز اور نواسی ماہ نورصفدربھی آئیں گی۔
اے آروائی نیوز نے نوازشریف کی ٹکٹ کی کاپی حاصل کرلی، نوازشریف پی آئی اے کی پرواز پی کے758 سے صبح 8 بجے لاہورپہنچیں گے۔
خیال رہے کہ احتساب عدالت نے نیب ریفرنسز کی سماعت کے سلسلے میں نا اہل وزیراعظم نوازشریف کو حاضری سے ایک ہفتے کے لیے اسثنیٰ دیا تھا جس کے بعد وہ لندن روانہ ہوگئے تھے۔
شریف خاندان کےخلاف نیب ریفرنسزکی سماعت 19 دسمبر تک ملتوی
یاد رہے کہ 11 دسمبرکو احتساب عدالت نے شریف خاندان کے خلاف نیب ریفرنسز کی سماعت 19 دسمبر تک ملتوی کرتے ہوئے آئندہ سماعت پر نوازشریف، مریم نواز، کیپٹن(ر) صفدرکوطلب کرلیا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
