اسلام آباد :وزیراعظم میاں محمد نوازشریف آج سندھ کے شہرٹھٹہ کا دورہ کریں گےجہاں وہ جلسہ عام سے خطاب کریں گے۔
تفصیلات کےمطابق وزیراعظم میاں محمدنوازشریف آج ٹھٹہ کے مکلی کرکٹ گراؤنڈ میں جلسہ عام سے خطاب کریں گے۔ اس سلسلے میں مکلی کرکٹ گراؤنڈ میں ن لیگ کے جلسے کے لیے تیاریاں مکمل کرلی گئی ہیں۔
وزیراعظم میاں نواز شریف کے جلسہ کے لیے مکلی کرکٹ گراؤنڈ میں47 فٹ لمبا اور46 فٹ چوڑا لکڑی کا اسٹیج بنایا گیا ہے۔جلسہ گاہ میں20 سے25 ہزارکرسیاں لگائی گئی ہیں۔
ریڈیو پاکستان کی رپورٹ کےمطابق وزیراعظم نوازشریف کی جانب سے ٹھٹھہ اور سجاول اضلاع کے لیے ترقیاتی منصوبوں کے اعلانات متوقع ہیں۔
ایس ایس پی کے مطابق ٹھٹھہ میں جلسہ گاہ کی سیکورٹی پرایک ہزاراہلکار مامور ہوں گے۔
مزید پڑھیں:مخالفت کے باوجود عراق جنگ میں کویت کا ساتھ دیا تھا،نواز شریف
یاد رہےکہ دو روز قبل وزیرِاعظم پاکستان نوازشریف نےکہاتھا کہ عراق کی جنگ میں مخالفت کے باوجود کویت کا بھرپور ساتھ دیا تھا جس کے بعد سے کویت اور پاکستان کے درمیان مستحکم تعلقات استوار ہوئے۔
واضح رہےکہ وزیراعظم نوازشریف نے کہاتھا کہ جب ہم نے حکومت سنبھالی تو حالات بہت مشکل تھے لیکن ہم ہر طرح کے چیلینجیز کا مقابلہ کیا اور نئے نئے منصبوں کا آغاز کرتے رہے جس کے بعد الحمداللہ آج پاکستان کے حالات بہت بہتر ہیں۔
