لندن: نوازشریف کے گارڈ فرید نیموچی کی جانب سے خاتون پر تھوکنے کے معاملے پر کراؤن پراسیکیوشن سروس نے کیس خارج کر دیا۔
برطانیہ میں کسی کے منہ پر تھوکنے کو قابل سزا جرم تصور کیا جاتا ہے۔ پنزانی چیمہ نے تھوک پھینکنے کے واقعے پر پولیس کو شکایت کی تھی۔
فرید نیموچی اپنے وکیل کے ہمراہ ویسٹ منسٹر مجسٹریٹس کورٹ میں پیش ہوئےتھے۔ پنزانی چیمہ پر گارڈ کی جانب سے تھوکنےکا واقعہ گزشتہ برس 16 ستمبر کو پیش آیا تھا۔
ذرائع کے مطابق خاتون نے پولیس کو بتا دیا تھا کہ وہ کیس میں گواہ کے طور پر پیش نہیں ہوں گی اور مدعی خاتون کی عدم پیروی پر کیس کو خارج کیا گیا۔
سیکیورٹی گارڈ فرید نیموچی کی پنزائی چیمہ پر تھوکنےکی ویڈیو وائرل ہو گئی تھی۔ وائرل ویڈیو پر سوشل میڈیا صارفین نے سخت ردعمل کا اظہار کرتے ہوئے واقعے کی تحقیقات کا مطالبہ کیا اور قانونی چارہ جوئی عمل میں لانے کی اپیل کی تھی۔
ملزم کے وکیل معین خان کا کہنا تھا کہ عدالت میں ثابت کریں گے فرید نیموچی نےکوئی قانون نہیں توڑا۔
