تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نواز شریف کی تازہ میڈیکل رپورٹس آگئیں، ڈاکٹر کا سفر نہ کرنے کا مشورہ

لاہور: سابق وزیراعظم نواز شریف کی تازہ میڈیکل رپورٹس سامنے آگئیں ، جس میں ڈاکٹر نے نواز شریف کو مکمل ٹھیک نہ ہونے تک سفر نہ کرنے کی تجویز دی ہےاور کہا بغیر علاج واپس جا کر قید کاٹنا اور بیوی کے انتقال کا صدمہ دل کا مرض بڑھاسکتی ہے۔

تفصیلات کے مطابق سابق وزیراعظم نواز شریف کی تازہ میڈیکل رپورٹس لاہور ہائی کورٹ میں جمع کرادی گئی ، میڈیکل رپورٹ ڈاکٹر فیاض شال کی جانب سے تیار کی گئی۔

رپورٹ میں کہا گیا ہے کہ جب تک نواز شریف مکمل ٹھیک نہ ہوجائیں سفر نہ کرنے کی تجویز ہے ، نواز شریف کو بہترین علاج کی سہولتیں فراہم کی جا رہی ہیں۔

رپورٹ کے مطابق گزشتہ رپورٹ میں سفر نہ کرنے کی سفارش اب بھی برقرارہیں، کورونا کی موجودہ صورتحال کے پیش نظر انھیں ہر گز سفر نہیں کرنا چاہیے اور ایئرپورٹ،عوامی مقامات پر ہرگز نہ جائیں۔

میڈیکل رپورٹ میں کہا ہے کہ جب تک نواز شریف کی کارنری انجنیو مکمل نہ ہو، اسپتال سے دور نہ جائیں، کورونا اورمختلف امراض کی وجہ سے نواز شریف کی زندگی کو خطرات ہیں۔

ڈاکٹر فیاض شال کا کہنا ہے کہ نواز شریف اس وقت سٹریس کا شکار ہیں ، نواز شریف کا مکمل علاج کے بغیر لندن سے واپس جانا نقصان دہ ہے۔

، رپورٹ میں کہا گیا ہے کہ بغیر علاج واپس جا کر قید کاٹنا اور بیوی کے انتقال کا صدمہ دل کا مرض بڑھاسکتی ہے۔

یاد رہے اٹارنی جنرل خالدجاوید نے اپوزیشن لیڈر شہباز شریف کو خط میں لکھا تھا کہ لگتا ہے نوازشریف کی طبیعت ٹھیک ہوگئی ہے، انڈرٹیکنگ کے تحت آپ نے رجسٹرار کو تسلسل سے نوازشریف کی میڈیکل رپورٹ جمع کرانا تھی، ریکارڈ کے مطابق آپ نے میڈیکل رپورٹ کے نام پر8دستاویز جمع کرائیں، آپ کی جانب سے آخری رپورٹ8جولائی2021 کو جمع کرائی گئی تھی۔

اتارنی جنرل نے واضح کہا تھا کہ خط ملنے کے بعد 10دن میں نوازشریف کی میڈیکل رپورٹس جمع کرائیں اور رپورٹس جمع نہ کرانے پر آپ کیخلاف لاہور ہائی کورٹ سے رجوع کریں گے۔

Comments

- Advertisement -
عابد خان
عابد خان
عابد خان اے آروائی نیوز سے وابستہ صحافی ہیں اور عدالتوں سے متعلق رپورٹنگ میں مہارت کے حامل ہیں