مانسہرہ : مسلم لیگ ن کے قائد نواز شریف کے این اے15 سے کاغذات کی منظوری کو الیکشن ٹریبونل میں چیلنج کردیا گیا۔
تفصیلات کے مطابق مسلم لیگ ن کے قائد نواز شریف کے کاغذات کی منظوری الیکشن ٹریبونل میں چیلنج کردی گئی۔
نواز شریف کے این اے15 سے کاغذات کی منظوری کو الیکشن ٹریبونل میں چیلنج کیا گیا، نواز شریف کے کاغذات نامزدگی کی منظوری کیخلاف اپیل وقار خان ایڈووکیٹ نے دائر کی۔
درخواست میں کہا گیا ہے کہ نوازشریف کو سپریم کورٹ نے تاحیات نااہل قرار دیا وہ الیکشن لڑنےکے اہل نہیں، ریٹرننگ افسر نے حقائق کے برعکس نواز شریف کے کاغذات منظور کیے۔
درخواست گزار نے استدعا کی ہے کہ نوازشریف کےکاغذات نامزدگی مسترد کرکے نااہل قراردیا جائے۔
اس سے قبل پاکستان عوامی محاذ کےسربراہ اشتیاق چودھری ایڈووکیٹ نےنون لیگ کے سربراہ نوازشریف کی این اے ایک سو تیس لاہور سے کاغذات نامزدگی کی منظوری کے خلاف اپیل دائر کی تھی۔
جس پرٹربیونل نے آراو کے فیصلے کی مصدقہ نقل ساتھ نہ لگانے کا اعتراض لگا دیا تھا، اپیل کنندہ وکیل نے استدعا کی کہ اپیل کواعتراض کے ساتھ ہی سماعت کیلئے متعلقہ ٹربیونل میں پیش کیا جائے۔
