کراچی : سندھ ہائیکورٹ میں نوازشریف کی تقریر پر پابندی سے متعلق درخواست پر سماعت ہوئی، چیف جسٹس سندھ ہائیکورٹ احمد علی شیخ کی سربراہی میں2رکنی بینچ نے درخواست کی سماعت کی۔
اس موقع پر درخواست گزار کا کہنا تھا کہ نوازشریف کی تقاریر میڈیا پر نشر کی جارہی ہے، وہ اپنی تقاریر میں عدلیہ پرالزام تراشی کرتے ہیں۔
درخواست گزار نے عدالت سے استدعا کی کہ تمام ٹی وی چینلز کو نوازشریف کی تقاریر نشرکرنے سے روکا جائے۔
عدالت کا اپنے ریماکس میں کہنا تھا کہ نوازشریف نے عدالت سے ضمانت حاصل رکھی ہے یہ ہمارے دائرہ اختیار میں نہیں ہے اور وزیر اعظم شہبازشریف بھی ضمانت پر ہیں تو کیا شہبازشریف کی تقریر پرپابندی لگادیں؟
عدالت نے کہا کہ جن عدالتوں سے نوازشریف کو ضمانت ملی ہے آپ ان سے رجوع کریں، بعد ازاں عدالت نے درخواست ناقابل سماعت قرار دیتےہوئے مسترد کردی۔
