نئی دہلی: معروف بھارتی اداکار نے ڈاٹرز ڈے پر اپنی 11 سالہ بیٹی کی تصویر شیئر کی جسے مداحوں نے بے حد پسند کیا ہے۔
معروف بھارتی اداکار نواز الدین صدیقی نےاپنی بیٹی شوریٰ کی نایاب تصویر سوشل میڈیا پر شیئر کردی۔
نواز الدین صدیقی جو کم ہی اپنی فیملی اور بچوں سے متعلق بات کرتے ہیں، انہوں نے سوشل میڈیا سائٹ انسٹاگرام پر اپنی بیٹی کی یادگار تصویر شیئر کی۔
View this post on Instagram
انہوں نےڈاٹرز ڈے کی مناسبت سے اپنی صاحبزادی شوریٰ کی تصویر شیئر کی اور ساتھ ہی کیپشن میں دل کے ایموجی کے ساتھ لکھا کہ تمہاری مسکراہٹ سے زیادہ قیمتی کچھ بھی نہیں۔
مداحوں نے ان کی بیٹی کی تعریف کی اور اس کی آنکھوں کو والد کی آنکھوں سے مشابہہ قرار دیا۔
خیال رہے کہ نواز الدین صدیقی نے 2009 میں عالیہ صدیقی سے شادی کی تھی اور شوریٰ 2011 میں پیدا ہوئی۔ اداکار کے اپنی اہلیہ سے تنازعات بھی چلتے رہے تھے۔
