The news is by your side.

Advertisement

’7 گھنٹے میں لندن سے اسلام آباد پہنچنے والے مسافروں کو 18 سے 20 گھنٹے لگیں گے‘

لندن: رکن برطانوی پارلیمنٹ ناز شاہ نے برٹش ایئر ویز کا فلائٹ آپریشن معطل ہونے پر کہا ہے کہ 7 گھنٹے میں لندن سے اسلام آباد پہنچنے والے مسافروں کو اب 18 سے 20 گھنٹے لگیں گے۔

تفصیلات کے مطابق برٹش ایئر ویز نے پاکستان کے لیے 15 سے 30 جون تک فلائٹ آپریشن معطلی کا اعلان کر دیا ہے، برٹش ایئر ویز کا کہنا تھا کہ فلائٹ معطلی کا فیصلہ آپریشن وجوہ کی بنا پر کیا گیا۔

رکن برطانوی پارلیمنٹ ناز شاہ نے اس پر ایئر لائن کے سی ای او کو خط لکھ کر متوجہ کیا ہے کہ برٹش ایئر ویز کے اس اقدام سے مسافروں کو پریشانی کا سامنا کرنا پڑے گا۔

انھوں نے خط میں لکھا کہ جو مسافر لندن سے 7 گھنٹے میں اسلام آباد پہنچ جاتے تھے، اب وہ اس فیصلے کی وجہ سے 18 سے 20 گھنٹوں میں پہنچیں گے۔

اسلام آباد : برٹش ایئرویز کی پروازیں معطل کرنے کا فیصلہ

ناز شاہ نے برٹش ایئر ویز سے فیصلے پر نظر ثانی کرنے کا مطالبہ کرتے ہوئے کہا کہ میرے حلقہ انتخاب میں پاکستانیوں کی ایک بڑی تعداد آباد ہے، ان میں برٹش ایئر ویز کے اعلان کے بعد بے چینی پائی جا رہی ہے۔

Comments

یہ بھی پڑھیں