لندن : برطانوی رکن پارلیمنٹ نازشاہ نے سونک سرکار پر کڑی تنقید کرتے ہوئے کہا کہ حکومت اسلاموفوبیا کے خلاف پالیسی دینےمیں ناکام رہی ، مسلمان برطانیہ چھوڑ کر جارہے ہیں۔
تفصیلات کے مطابق بریڈفورڈ سے لیبر پارٹی کی پاکستانی نژادبرطانوی رُکن پارلیمنٹ ناز شاہ نے ایوان میں خطاب کرتے ہوئے حکومت کو کڑی تنقید کا نشانہ بنایا۔
ایوان میں ناز شاہ نے اسلاموفوبیا کے حوالے سے مؤثر اقدامات نہ اُٹھانے اور پالیسی ترتیب نہ دینے پر حکومت کو آڑے ہاتھوں لیا۔
ناز شاہ کا کہنا تھا کہ مسلمان برطانیہ میں اپنے بچوں کے مستقبل کے حوالے سے پریشان ہیں اور برطانیہ چھوڑنے کی استطاعت رکھنے والے ملک چھوڑ کر جارہے ہیں۔
برطانوی رُکن پارلیمنٹ نے مزید کہا کہ حکومتی اعداد و شمار مسلمانوں پر حملوں کے گواہ ہیں، مگر حکومت اسلاموفوبیا کو تسلیم کرنے کو بھی تیار نہیں۔
انھوں نے کہا کہ وزیر اعظم کہتے ہیں کہ وہ مسلمانوں کے ساتھ ہیں مگر ایسا بالکل بھی نہیں ہے، وہ اور اُن کی حکومت صرف اُن مسلمانوں کے ساتھ کھڑے ہوتے ہیں یا اُنہیں اپنی تقریبات میں مدعو کرنے جو اُن کے معیار پر پورا اُتریں۔
ناز شاہ کا کہنا تھا کہ در اصل حکومت اسلاموفوبیا کے خلاف کسی بھی قسم کی پالیسی دینے میں ناکام ہوچکی ہے، آئندہ الیکشن میں عوام حکومت سے حساب لینگے
