اسلام آباد : برطانوی رکن پارلیمنٹ ناز شاہ کا کہنا ہے کہ خوشی ہے وزیراعظم عمران خان پی آئی اے معاملے پر فرنٹ فٹ پرہیں ، سمجھوتے کے بجائے ایوی ایشن اور مسافروں کیلئے ” سیفٹی فرسٹ” کو اپنایا جارہا ہے۔
تفصیلات کے مطابق برطانوی رکن پارلیمنٹ نازشاہ نے وزیراعظم معاون خصوصی زلفی بخاری سے رابطہ کیا ، جس میں پی آئی اے میں جاری اصلاحات اور تازہ صورتحال پر بات چیت کی گئی۔
برطانوی رکن پارلیمنٹ نازشاہ نے کہا خوشی ہے وزیراعظم عمران خان پی آئی اے معاملے پر فرنٹ فٹ پرہیں، وزیراعظم کی قیادت میں ادارہ میں واضح تبدیلیاں کی جا رہی ہیں، سمجھوتے کے بجائے ایوی ایشن اور مسافروں کیلئے ” سیفٹی فرسٹ” کو اپنایا جارہا ہے۔
Always a pleasure @NazShahBfd, thankyou for always sticking up for 🇵🇰.
Our PM is playing on front foot on #PIA issues regardless of pressures.
The pilots probe wasnt a leak,it was something he wanted corrected to ensure aviation safety for our ppl as any responsible leader must https://t.co/lg02lMsMmG— Sayed Z Bukhari (@sayedzbukhari) July 4, 2020
اس موقع پر معاون خصوصی زلفی بخاری کا کہنا تھا کہ پاکستان کے بارے میں مثبت سوچ اپنانے پر شکر گزار ہوں، وزیراعظم بغیردباؤ پی آئی اے کے معاملے کو خود دیکھ رہے ہیں، پائلٹس کے لائسنسز سےمتعلق تحقیقات لیکس نہیں کی گئیں۔
زلفی بخاری نے کہا کہ وزیراعظم صرف ایوی ایشن کے تحفظ کو یقینی بنانا چاہتے ہیں، ذمہ دارلیڈرکی طرح صرف مسافروں کی حفاظت وزیراعظم کی ترجیح ہے۔
یاد رہے چند روز قبل برطانیہ کی شیڈو وزیر ناز شاہ نے برطانوی میڈیا کی پاکستان کے خلاف ہرزہ سرائی کو قابل افسوس قرار دیتے ہوئے کہا تھا کہ تیس فیصد کرونا کیسز کو بنیاد بنا کر پاکستان کے خلاف پروپیگنڈا کیا جارہا ہے، برطانوی میڈیا نے حقائق سے ہٹ کر من گھڑت خبریں شائع کیں‘۔
