مانچسٹر : رکن برطانوی پارلیمنٹ ناز شاہ نے ارشد شریف کے قتل کی شفاف تحقیقات کا مطالبہ کرتے ہوئے کہا کہ پتہ لگایا جائے، ارشد شریف کا قتل کیوں ہوا؟
تفصیلات کے مطابق رکن برطانوی پارلیمنٹ نازشاہ نے صحافی ارشد شریف کے قتل پر اپنی گہری تشویش کا اظہار کرتے ہوئے کہا معاملے کی مکمل شفاف تحقیقات ہونی چاہیے۔
ناز شاہ کا کہنا تھا کہ جلد پتہ لگایا جائے، ارشد شریف کا قتل کیوں ہوا اور قتل کے پیچھے کون تھا؟ مکمل تحقیقات ہونی چائیں۔
- Advertisement -
یاد رہے اقوام متحدہ اور امریکا نے بھی ارشد شریف کی موت کی مکمل چھان بین کا مطالبہ کیا تھا۔
واضح رہے کہ ارشد شریف کو کینیا میں پولیس کی گولی لگنے سے شہید ہوگئے تھے، پولیس نے موقف دیا تھا کہ واقعہ غلط فہمی کے باعث پیش آیا۔