The news is by your side.

Advertisement

ناظم جوکھیو کے قتل اور جام اویس کی گرفتاری سے متعلق بڑا انکشاف

کراچی : پولیس حکام نے ناظم جوکھیو کے قتل کے حوالے سے اہم انکشافات کرتے ہوئے بتایا جام اویس موبائل پربہت زیادہ پرتشددگیم کھیلتا تھا ، ناظم جوکھیو پردم توڑنے تک تشدد کیاجاتارہا۔

تفصیلات کے مطابق ناظم جوکھیو کے قتل کے حوالے سے تفصیلات سامنے آگئیں ، پولیس حکام نے بتایا جام اویس موبائل پربہت زیادہ پرتشددگیم کھیلتا تھا اور اکثرنشےمیں بھی دھت رہتا تھا۔

حکام کا کہنا ہے کہ ناظم جوکھیو پردم توڑنےتک تشددکیاجاتارہا، ہوسکتاہےمرنےکےبعدبھی ناظم جوکھیوپرتشددکیاگیا ہو۔

پولیس نے بتایا کہ جام اویس معاملےپرایک اورچارج فریم کرنےجارہےہیں، ڈیرےپرلگا ہواکیمروں کاڈی وی آرغائب کردیاگیا، جام اویس نے سرینڈر کیا نہیں بلکہ اسےگرفتار ی دینے پر مجبور کیا گیا۔

حکام کا کہنا تھا کہ جام اویس کراچی سےفرارہوکرخضدار تک پہنچ گیا تھا، جام اویس کراچی آیا اورپھر اس نےگرفتاری پیش کی، جام اویس پرچلنےوالا کیس خالصتاً قتل کا ہے۔

پولیس کے مطابق موبائل ڈیٹاکی مددسےبھی تفتیش شروع کی گئی ہے، جام گوٹھ میں افضل ،نیازسالار،جام عبدالکریم کےفون کی لوکیش سامنے آئی اور ناظم جوکھیو کی آڈیو،ویڈیوکومرکزی شواہد کے طورپر استعمال کرنے کا فیصلہ کیا گیا ہے۔

حکام نے خدشہ ظاہر کیا کہ ناظم جوکھیوکوسرپرلگنےوالاڈنڈا جان لیوا ثابت ہوا، تفصیلی میڈیکل رپورٹ سےمزیدحقائق سامنےآئیں گے۔

پولیس نے بتایا کہ تفتیشی ٹیم نےافصل جوکھیو کےساتھ واقعے کی جگہ کادورہ کیا، تاحال ناظم جوکھیوکاموبائل فون نہیں ملا، ناظم جوکھیو کی لاش کی اطلاع 3نومبرکو2 بجے 15مددگارپرشہری نے دی، ملزم نےمقتول ناظم جوکھیوسےموبائل کاکوڈان لاک کرنےکاکہا۔

حکام کا کہنا ہے کہ کیس میں مزیدافرادکوگرفتارکیاجائےگا، اسےکم سےکم عمرقیدیاپھانسی کی سزادلوانے کی کوشش کریں گے۔

Comments

یہ بھی پڑھیں