پاکستانی شوبز انڈسٹری کی خوبرو اداکارہ نازش جہانگیر کی خوبصورت ویڈیو سوشل میڈیا پر مداحوں کی توجہ کا مرکز بن گئی۔
نازش جہانگیر نے حال ہی میں انسٹاگرام اکاؤنٹ سے اپنی ایک ویڈیو شیئر کی جس نے چند ہی گھنٹوں میں ہزاروں ویوز اور 29 ہزار سے زیادہ لائیکس حاصل کر لیے۔
ویڈیو میں دیکھا جا سکتا ہے کہ اداکارہ نے سرخ رنگ کا خوبصورت مغربی لباس زیب تن کیا ہے اور ویڈیو کے بیک گراؤنڈ میں نامور بھارتی گلوکار اریجیت سنگھ اور گلوکارہ جیسلین رائل کا گانا ’ہیریے‘ چل رہا ہے۔
وہ ویڈیو میں دوسری طرف دیکھتے ہوئے دانتوں سے ناخن چبا رہی ہیں۔ پھر وہ کیمرے کی طرف دیکھتی ہیں اور شرما جاتی ہیں۔
اداکارہ سوشل میڈیا پر کافی متحرک رہتی ہیں اور اکثر اپنی تصاویر یا ویڈیوز شیئر کرتی رہتی ہیں جسے ان کے مداح بھی پسند کرتے ہیں۔
انہوں نے اے آر وائی ڈیجیٹل کے ڈرامے ’بے رخی‘ میں منفی کردار نبھایا تھا جس کی لیڈ کاسٹ میں جنید خان اور حبا بخاری بھی شامل تھے۔
کچھ روز قبل انہوں نے انسٹاگرام پر اپنی نئی تصاویر کے ساتھ معنیٰ خیز پیغام شیئر کیا تھا۔ فوٹوز کے کیپشن میں اداکارہ نے لکھا تھا کہ ’جدائی بہت میٹھا غم ہے۔‘
