معروف اداکارہ نازش جہانگیر نے بغیر میک اپ کے نئی تصویر شیئر کردی، ساتھ ہی انہوں نے ادھورے پن کی خوبصورتی سے متعلق پیغام بھی دیا۔
تفصیلات کے مطابق معروف اداکارہ نازش جہانگیر نے سماجی رابطے کی ویب سائٹ انسٹاگرام پر اپنی نئی تصویر شیئر کی۔
تصویر میں اداکارہ بغیر میک اپ کے موجود ہیں، کیپشن میں انہوں نے لکھا کہ کسی کے لیے خود کو مکمل بنانے کی کوشش مت کریں، اس کا انتظار کریں جو آپ کے ادھورے پن سے محبت کرے۔
View this post on Instagram
مداحوں نے ان کی تصویر اور کیپشن کو بے حد پسند کیا اور اس پر کمنٹس کیے۔
واضح رہے کہ سنہ 2015 سے اپنے کیریئر کا آغاز کرنے والی نازش جہانگیر اب تک متعدد ڈراموں میں اپنی اداکاری کے جوہر دکھا چکی ہیں۔
اداکارہ انسٹاگرام پر نہایت متحرک رہتی ہیں اور ان کے فالوورز کی تعداد 7 لاکھ سے تجاوز کر چکی ہے۔
