شوبز انڈسٹری کی معروف اداکارہ نازش جہانگیر کا کہنا ہے کہ میں عائزہ خان کی ایک بات آج تک نہیں بھولی ہوں۔
اے آر وائی ڈیجیٹل کے پروگرام ’شان سحور‘ میں اداکارہ نازش جہانگیر نے شرکت کی اور اس دوران مخٹلف موضوعات پر اظہار خیال کیا۔
نازش جہانگیر نے بتایا کہ مجھے آج بھی یاد ہے کہ عائزہ خان نے انٹرویو میں کہا تھا کہ جب بھی آپ کسی ریلیشن میں ہوں یا پھر کوئی دوسری بات ہو تو جب تک وہ سو فیصد پکی نہ ہوجائے تو اسے سوشل میڈیا پر شیئر نہ کریں کیونکہ پھر آپ سے ہٹا نہیں سکتے۔
انہوں نے کہا کہ پہلے میں ہر بات منہ پر بول دیتی تھی اور سوشل میڈیا پر بھی شیئر کرتی تھی لیکن اب یہ سوچ لیا ہے کہ کیوں سوشل میڈیا پر بیان دیا جائے وہ وہیں پر ہمیشہ رہے گا پھر اسے کوئی نہیں ہٹا سکتا۔
اداکارہ نے مسکراتے ہوئے کہا کہ مجھے انڈسٹری نے بھی بہت عقل سکھائی ہے۔
اس سے قبل ایک انٹرویو میں جب ان سے پوچھا گیا تھا کہ محبت پر کتنا یقین ہے تو انہوں نے جواب میں کہا کہ محبت بہت پیاری چیز ہے، مجھے لگتا ہے جب میری شادی ہوگی تب ہی مجھے محبت ہوگی۔
نازش جہانگیر نے کہا تھا کہ انڈسٹری میں شادی نہیں کروں گی۔
اداکارہ نے بتایا تھا کہ جو لڑکے پیچھے پڑ جاتے ہیں وہ میرے لیے عذاب بن جاتے ہیں ایسا نہیں کیا کریں۔ شادی سے متعلق نازش جہانگیر نے کہا تھا کہ ابھی تک کوئی ایسا شخص نہیں ملا جس سے میں شادی کرنا چاہتی ہوں۔
