کراچی : نیشنل بینک آف پاکستان نے بینکاری میں جدت لانے کیلئے ڈیجیٹل اکاﺅنٹ اوپننگ کے پائلٹ لانچ کا آغاز کردیا۔
تفصیلات کے مطابق نیشنل بینک آف پاکستان (این بی پی) نے ٹیکنالوجی کے ذریعے بینکاری میں جدت لاتے ہوئے ڈیجیٹل اکاﺅنٹ اوپننگ کے پائلٹ لانچ کا آغاز کیا ہے۔ نئی سروس کے باقاعدہ آغاز کے بعد صارفین ڈیجیٹل طور پر اپنا اکاﺅنٹ کھول سکیں گے۔
ملک بھر میں صارفین کسی بھی وقت کسی بھی جگہ سے این بی پی ڈیجیٹل ایپ ڈاﺅن لوڈ کرنے کے بعد ’اوپن اکاﺅنٹ پر ٹیپ کرکے آسانی کے ساتھ نیشنل بینک کے ساتھ اپنا اکاﺅنٹ کھول سکیں گے۔
جدت پر مبنی پلیٹ فارم پاکستانی صارفین کیلئے بینکاری کے تجربے میں تبدیلی لانے میں اہم کردار ادا کرے گا۔
این بی پی کی ڈیجیٹل اکاﺅنٹ اوپننگ سروسز جو کسٹمرز ڈیجیٹل آن بورڈنگ فریم ورک (سی ڈی او ایف) سے ہم آہنگ ہیں، صارفین کو بہت سارے فوائد پیش کرتی ہے۔
این بی پی کے صدر اور سی ای او رحمت علی حسنی نے افتتاحی تقریب کے موقع پر ڈیجیٹل اکاﺅنٹ کھولا، انہوں نے اس موقع پر اظہار خیال کرتے ہوئے کہا کہ ڈیجیٹل اکاﺅنٹ سروس سے صارفین آسانی، سیکیورٹی اور سہولت کے ساتھ بینکنگ سروسز استعمال کرسکتے ہیں۔
