The news is by your side.

Advertisement

پاکستان میں کرونا کیسز میں نمایاں کمی ، این سی اوسی نے بڑا فیصلہ کرلیا

اسلام آباد : نیشنل کمانڈ اینڈ آپریشن سینٹر نے کورونا کیسزمیں کمی کے باعث لاہور، فیصل آباد،ملتان، سرگودھا،گجرات اور بنوں سے پابندیاں ہٹانے کا فیصلہ کرلیا۔

تفصیلات کے مطابق نیشنل کمانڈ اینڈ آپریشن سینٹر سربراہ اسدعمرکی زیرصدارت این سی اوسی کااجلاس ہوا ، جس میں کوروناکیسزمیں کمی کے باعث لاہور، فیصل آباد،ملتان سے پابندی ہٹانے سمیت سرگودھا،گجرات اور بنوں سے بھی اضافی پابندیاں ہٹانے کا فیصلہ کیا گیا۔

این سی اوسی نے کہا ملک بھرکیلئے عمومی کوروناپابندیاں 30ستمبرتک نافذرہیں گی، این پی آئیزکاجائزہ 28ستمبر2021کو این سی او سی میں ہوگا۔

این سی اوسی میں روزانہ کورونا پھیلاؤ اور صحت کےنظام کی نگرانی کی جا رہی ہے، وباکنٹرول کرنے کی ضرورت پیش آنے پر مناسب فیصلے کئےجائیں گے۔

نیشنل کمانڈ اینڈ آپریشن سینٹر نے کہا ملک میں سائینوفارم ویکسین کی وافرمقدارموجود ہے، عوام بلاتاخیرقریبی ویکسی نیشن سینٹر سے ویکسین لگوائیں۔

خیال رہے پاکستان میں کورونا صورتحال میں بہتری آنے لگی ہے، ملک میں مثبت کیسز کی شرح 4 فیصد ہوگئی ہے ، این سی او سی کے مطابق ملک میں ایک دن میں 81 مریض جاں بحق ہوگئے جبکہ 1800 سے زائد کیسز سامنے آئے۔

Comments

یہ بھی پڑھیں