The news is by your side.

Advertisement

9 اور 10 محرم ، این سی اوسی کا بڑا فیصلہ

اسلام آباد : نیشنل کمانڈ اینڈ آپریشن سینٹر نے 9 محرم الحرام کوتمام بڑے اور مرکزی ویکسی نیشن سینٹرز کھلے رکھنے کا فیصلہ کرلیا ہے تاہم 10محرم پرملک بھر کے ویکسینیشن سینٹرزبند رہیں گے۔

تفصیلات کے مطابق وفاقی وزیر اسد عمر کی زیرصدارت این سی اوسی کا اجلاس ہوا ، جس میں 9 محرم الحرام کو تمام بڑے اور مرکزی ویکسی نیشن سینٹرز کھلے رکھنے کا فیصلہ کیا گیا ہے، این سی اوسی کا کہنا ہے کہ 10محرم پرملک بھر کے ویکسینیشن سینٹرزبند رہیں گے۔

اجلاس میں این سی او سی نے عاشورہ کے دوران پہلے سے جاری ہدایات پر عملدرآمد پر زور دیا۔

یاد رہے اس سے قبل این سی او سی نے 10،9محرم الحرام کوملک بھر کے ویکسینیشن سینٹرزبند رکھنے کا فیصلہ کرتے ہوئے کہا تھا کہ ملک میں انڈین ویئرنٹ وبا پھیل رہا ہے ،کراچی سمیت ملک بھر میں بھارتی ویئرنٹ سے کورونا کا پھیلاؤ بڑھنےلگا، جس کے باعث محرم الحرام میں کورونا ایس اوپیز پر عمل ناگزیر بن چکا ہے۔

خیال رہے گزشتہ 24 گھنٹوں کے دوران ملک بھر میں کرونا وائرس کے 95 مریض انتقال کر گئے، جس کے بعد مجموعی اموات کی تعداد 24 ہزار 573 ہوگئی ہے۔

این سی او سی کے مطابق گزشتہ 24 گھنٹوں کے دوران کرونا وائرس کے 3 ہزار 221 نئے کیسز رپورٹ ہوئے اور اس دوران کرونا وائرس کے مثبت کیسز کی شرح 6 فیصد سے زائد رہی۔

Comments

یہ بھی پڑھیں