اسلام آباد : وفاقی وزیر اسد عمر کا کہنا ہے کہ کورونا کا پھیلاؤ روکنے کیلئے تجاویز کل این سی سی کے اجلاس میں پیش کی جائیں گی، معاشی سرگرمیاں متاثرہوئے بغیراقدامات کرنے ہوں گے۔
تفصیلات کے مطابق وفاقی وزیر اور این سی او سی کے سربراہ اسد عمر نے سماجی رابطے کی ویب سائٹ ٹوئٹر پر اپنے بیان میں کہا کہ این سی اوسی نے کورونا کا پھیلاؤ روکنے کیلئے مزید اقدامات پر مشاورت کی، سفارشات کل ہونے والے این سی او سی کے اجلاس میں پیش کی جائیں گی۔
اسدعمر کا کہنا تھا کہ ہمیں کوروناکاپھیلاؤروکنےکیلئےفوری اقدامات کرنےکی ضرورت ہے ، معاشی سرگرمیاں متاثرہوئے بغیراقدامات کرنے ہوں گے ، جس سے کورونا نہ پھیلے۔
NCOC discussed additional measures today to control the rising spread of Covid19. Recommendations will be tabled in the NCC being called for tomorrow. Need to take immediate measures which have the most impact on disease spread without curtailing economic activity
— Asad Umar (@Asad_Umar) November 2, 2020
یادرہےکورونا ایس اوپیزکی خلاف ورزی پراین سی او سی نے شہریوں سےمددلینے کا فیصلہ کیا تھا ، وفاقی وزیر اور این سی او سی کے سربراہ اسد عمر نے سماجی رابطے کی ویب سائٹ ٹوئٹر پر اپنے پیغام میں کہا تھا کہ کورونا کی دوسری لہر اورایس او پیز کی خلاف وزری ملک میں جاری ہے ، ایس او پیز پرعمل کے لیے این سی اوسی شہریوں سے مدد لے گی۔
اسد عمر کا کہنا تھا کہ جہاں بھی ایس اوپیز کی خلاف ورزی دیکھیں فوری اطلاع دیں ، ماسک نہ پہننےاورسماجی فاصلہ برقرارنہ رکھنے پرتصویر کھینچ کر بھیجیں، 0335-3336262 پر خلاف ورزی کی تصویر اور مقام بھیجیں۔
خیال رہے پاکستان میں کورونا وائرس ایک بار پھر تیزی سے پھیلنے لگا ہے، چوبیس گھنٹےمیں بارہ افراد لقمہ اجل بنے جبکہ گیارہ سو تئیس نئے کیسز رپورٹ ہوئے۔
کیسز کی تصدیق کے بعد مختلف شہروں میں تعلیمی ادارے سیل کردیئے گئے جبکہ لاہور سمیت پنجاب کے متعدد مقامات پر مائیکرو اسمارٹ لاک ڈاون کردیا گیا ہے۔
