The news is by your side.

Advertisement

شادی ہال میں تقریب کا دورانیہ ، حکومت نے بڑا فیصلہ کرلیا

اسلام آباد : این سی او سی نے شادی ہالز کیلئے گائیڈ لائنز جاری کردیں ، جس میں کہا کہ شادی ہالز کورونا وائرس سے متعلق ہائی رسک سیکٹر ہے، شادی ہال میں تقریب کا دورانیہ 2 گھنٹے ہوگا اور منعقدہ تقریب رات 10 بجے ختم کرنا ہوگی۔

تفصیلات کے مطابق نیشنل کمانڈ اینڈ آپریشن سنٹر ( این سی او سی ) کی جانب سے جاری اعلامیہ میں کہا گیا ہے کہ کورونا کے حالات بہتر ہونے پر شادی ہالز کو 15 ستمبر سے کھولا گیا تھا، ایس او پیز پر عدم عملدرآمد سے مثبت کورونا کیسز میں اضافہ ممکن ہے۔

اعلامیہ میں کہا ہے کہ این سی او سی میں شادی ہالز سے متعلق طویل مشاورت کی گئی ہے اور شادی ہالز بارے گائیڈ لائنز مرتب کی گئی ہیں ، شادی ہالز کورونا وائرس سے متعلق ہائی رسک سیکٹر ہے۔

این سی او سی نے شادی ہالز کیلئے گائیڈ لائنزجاری کردیں، جس کے مطابق شادی ہال میں تقریب میں 3 سو مہمان شریک ہوسکیں گے جبکہ شادی ہال کی آؤٹ ڈور تقریب میں 5سومہمان شریک ہوسکیں گے، اس دوران متعلقہ ادارے شادی ہالز کی گائیڈلائنز پر سختی سےعمل یقینی بنائیں۔

اعلامیہ میں کہا گیا کہ شادی ہال میں تقریب کادورانیہ 2گھنٹےہوگا اور شادی ہال میں منعقدہ تقریب رات 10بجےختم کرناہوگی جبکہ شادی ہالزانتظامیہ ایس او پیزپرسختی سےعملدرآمدکی پابندہوگی اور ایس اوپیزکی خلاف ورزی پرشادی ہال کو جرمانہ اور سیل کیا جائے گا۔

نیشنل کمانڈ اینڈ آپریشن سنٹر کا کہنا تھا کہ قانون شکن شادی ہال کو 2 ہفتے کیلئے سیل کیا جائے گا، سول انتظامیہ2ہفتے بعد شادی ہال کو کھولنے کی اجازت دے اور شادی ہال بندش پرانتظامیہ گاہک کو مکمل رقم واپسی کرےگی.

این سی او سی نے کہا کہ کورونا کے باعث دنیا بھر میں بڑی تقریبات پر پابندی ہے، بڑی تقریبات سے کورونا پھیلنے کے خدشات زیادہ ہیں، کورونا کا پھیلاؤ روکنے کیلئے بڑی تقریبات ناگزیر ہے۔

Comments

یہ بھی پڑھیں