The news is by your side.

Advertisement

کورونا کی دوسری لہر، اسد عمر نے ایس او پیز پرعمل کے لیے شہریوں سے مدد مانگ لی

اسلام آباد: پاکستان میں کورونا کی دوسری لہرکا آغاز ہوگیا، وفاقی وزیر اسد عمر نے ایس او پیز پرعمل کے لیے شہریوں سے مدد مانگ لی اور شکایت درج کرانے کیلئے نمبر جاری کردیا۔

تفصیلات کے مطابق کورونا ایس اوپیزکی خلاف ورزی پراین سی او سی  نے شہریوں سےمددلینے کا فیصلہ کرلیا، وفاقی وزیر اور این سی او سی کے سربراہ اسد عمر نے سماجی رابطے کی ویب سائٹ ٹوئٹر پر اپنے پیغام میں کہا کہ کورونا کی دوسری لہر اورایس او پیز کی خلاف وزری ملک میں جاری ہے ، ایس او پیز پرعمل کے لیے این سی اوسی شہریوں سے مدد لے گی۔

اسد عمر کا کہنا تھا کہ جہاں بھی ایس اوپیز کی خلاف ورزی دیکھیں فوری اطلاع دیں ، ماسک نہ پہننےاورسماجی فاصلہ برقرارنہ رکھنے پرتصویر کھینچ کر بھیجیں، 0335-3336262 پر خلاف ورزی کی تصویر اور مقام بھیجیں۔

دو روز قبل اسد عمر نے سماجی رابطے کی ویب سائٹ ٹوئٹر پر اپنے پیغام میں کہا تھا 70روز بعد کورونا مثبت آنے کی سطح گزشتہ روز 3 فیصد سے زیادہ رہی ، این سی اوسی نے سماجی سرگرمیوں پر پابندیاں سخت کی ہیں، وبا کو پھیلنے سے روکنےکیلئے عوام کو احتیاطی تدابیر پر عمل کرنا ہوگا۔

خیال رہے این سی اوسی نے گھر سے نکلتے وقت فیس ماسک پہننا لازمی قرار دیتے ہوئے کہا تھا عوامی مقامات، رش والی جگہوں پرفیس ماسک لازمی پہنیں جبکہ سرکاری و نجی دفاتر میں ماسک لازمی پہننا ہو گا۔

Comments

یہ بھی پڑھیں