نئی دہلی : بھارتی چیف آف ڈیفنس اسٹاف جنرل انیل چوہان نے پاکستان ایئر فورس کے ہاتھوں بھارتی طیاروں کی تباہی کا اعتراف کرلیا۔

تفصیلات کے مطابق بھارتی چیف آف ڈیفنس اسٹاف جنرل انیل چوہان نے بلوم برگ کو انٹرویو میں پہلی بار پاکستان کے ساتھ جھڑپوں میں بھارتی طیاروں کی تباہی کا اعتراف کیا

بھارتی چیف نے پاکستان کیخلاف حکمت عملی میں ناکامی کا اعتراف بھی کرتے ہوئے پاکستان کے ساتھ جھڑپوں میں لڑاکا طیارے کھوئے ہیں۔

صحافی نے سوال کیا کہ کیا پاکستان نے بھارت کے طیارے گرائے، آپ تصدیق کریں گےِ؟ بھارتی چیف آف اسٹاف نے کہا طیاروں کا گرنا اہم نہیں بلکہ طیارے کیوں گرے یہ اہم ہے۔

صحافی نے پھر پوچھا کم از کم ایک طیارہ تو تباہ ہوا؟ جنرل انیل چوہان کا کہنا تھا کہ جی جی، لیکن اہم یہ ہے کہ طیارے کیوں گرے، ہم نے فضائی جھڑپوں میں ٹیکٹیکل غلطیاں کیں، جس کا ادراک کرلیا گیا۔

صحافی کے بار بار سوال پر بھارتی چیف آف ڈیفنس اسٹاف نے طیاروں کی تعداد بتانے سے انکار کردیا۔

مزید پڑھیں : پاکستان نے بھارت کے 5 طیارے مار گرائے، بی جے پی سینئر رہنما کا اعتراف

یاد رہے گذشتہ روز بھارتیہ جنتا پارٹی کےسینئر رہنما سبرامنیئن سوامی نے اعتراف کیا تھا کہ حالیہ جنگ میں پاکستان نے بھارت کے 5 طیارے مار گرائے۔

واضح رہے گزشتہ ماہ 22 اپریل کو ہندوستان کے زیر قبضہ کشمیر میں پہلگام میں فالس فلیگ آپریشن کی آڑ میں 7 مئی کو رات کی تاریکی میں پاکستان کے شہری علاقوں پر حملہ کیا تھا۔

پاک فوج نے فوری طور پر جوابی کارروائی کرتے ہوئے بھارت کے فرانسیسی ساختہ رافیل طیاروں سمیت 6 طیارے اور درجنوں اسرائیلی ساختہ ڈرونز بھی مار گرائے تھے۔