The news is by your side.

Advertisement

کرونا کی عالمگیر وبا: 3 لاکھ کے قریب انسان جان کی بازی ہار گئے

کراچی: کو وِڈ نائنٹین کی عالمگیر وبا نے 212 ممالک کو لپیٹ میں لے کر 2 لاکھ 92 ہزار 900 افراد کو نگل لیا ہے، جب کہ وائرس سے 43 لاکھ 42 ہزار افراد متاثر ہو چکے ہیں۔

تفصیلات کے مطابق انسانیت کے لیے انتہائی مہلک ثابت ہونے والی کرونا وبا سے ہلاکتوں کا سلسلہ جاری ہے، گزشتہ چوبیس گھنٹوں میں دنیا بھر میں 5 ہزار 320 افراد وائرس سے ہلاک ہو چکے ہیں جب کہ 85 ہزار نئے کیسز سامنے آئے، وائرس سے اب تک 16 لاکھ 2 ہزار سے زائد مریض صحت یاب ہو چکے ہیں۔

کرونا وائرس سے امریکا سب سے زیادہ متاثرہ ملک ہے جہاں اموات کی تعداد سب سے زیادہ ہے۔ گزشتہ چوبیس گھنٹوں کے دوران امریکا میں 1,630 اموات ہوئیں، جس سے امریکا میں کرونا ہلاکتوں کی تعداد 83,425 ہو گئی ہے، جب کہ 14 لاکھ 8 ہزار سے زائد افراد وائرس کا شکار ہو چکے ہیں، امریکا میں گزشتہ چوبیس گھنٹوں کے دوران مزید 22 ہزار نئے کیسز سامنے آئے۔ کو وِڈ نائنٹین سے متاثر 2 لاکھ سے 96 ہزار سے زائد مریض صحت یاب ہو چکے ہیں، تاہم اب بھی 16 ہزار سے زائد مریضوں کی حالت تشویش ناک ہے۔ امریکا میں نیویارک شہر سب سے زیادہ متاثر ہوا جہاں 27,175 ہلاکتیں ہوئیں اور3 لاکھ 48 ہزار سے زائد لوگ متاثر ہوئے۔

کیا کرونا وائرس خود ختم ہو جائے گا؟ ڈاکٹر فاؤچی کا اہم بیان

برطانیہ ہلاکتوں میں دوسرا بڑا ملک بن چکا ہے، گزشتہ چوبیس گھنٹوں کے دوران 627 نئی اموات کے بعد برطانیہ میں مجموعی اموات 32,692 ہو گئی ہیں، جب کہ متاثرہ افراد کی تعداد بھی 2 لاکھ 26 ہزار سے بڑھ گئی ہے، برطانیہ نے تاحال صحت یاب ہونے والے مریضوں کا ڈیٹا جاری نہیں کیا۔

یورپی ملک اٹلی تیسرا ملک ہے جہاں وائرس سے بے پناہ ہلاکتیں ہوئیں، اب تک یہ وائرس اٹلی میں 30,911 انسانوں کی جانیں لے چکا ہے، اور 2 لاکھ 21 ہزار سے زائد لوگ وائرس سے متاثر ہوئے، جن میں سے 1 لاکھ 9 ہزار مریض صحت یاب ہوئے، اور 1 ہزار مریضوں کی حالت اب بھی تشویش ناک ہے۔ اٹلی میں گزشتہ چوبیس گھنٹوں کے دوران 172 اموات ہوئیں۔

فرانس اور اسپین بھی شدید متاثرہ ممالک میں سر فہرست ہیں، فرانس میں 26,991 افراد وائرس کا شکار ہو کر مرچکے ہیں جب کہ کیسز کی تعداد 1 لاکھ 78 ہزار سے زائد ہو چکی ہے۔ اسپین میں ہلاکتیں 26,920 ہو چکی ہیں اور مجموعی کیسز کی تعداد 2 لاکھ 69 ہزار سے تجاوز کر گئی ہے۔ برازیل میں بھی بہت تیزی کے ساتھ کرونا ہلاکتوں کی تعداد بڑھتی جا رہی ہے، اب تک وائرس سے 12,461 افراد ہلاک ہو چکے ہیں جب کہ متاثرہ افراد کی تعداد بھی 1 لاکھ 78 ہزار سے بڑھ چکی ہے، گزشتہ چوبیس گھنٹوں کے دوران برازیل میں 779 اموات ہو چکی ہیں۔

بیلجیئم میں 8,761 مریض، جرمنی میں وائرس سے 7,738 مریض، ایران میں 6,733 مریض، نیدرلینڈز میں 5,510 افراد، کینیڈا میں 5,169 مریض، چین میں 4,633 (گزشتہ 16 دنوں میں کوئی ہلاکت نہیں)، ترکی میں 3,894، میکسیکو میں 3,926، سوئیڈن میں 3,313، انڈیا میں 2,415، ایکواڈور میں 2,327، روس میں 2,116، پیرو میں 2,057، سوئٹزرلینڈ میں 1,867، آئرلینڈ میں 1,488، پرتگال میں 1,163، انڈونیشیا میں 1,007 مریض، اور رومانیا میں 1,002 کرونا مریض ہلاک ہو چکے ہیں۔

Comments

یہ بھی پڑھیں