The news is by your side.

Advertisement

نیلم منیر کیلیے عمران عباس کا رشتہ، اداکارہ نے ”ہاں“ کردی

پاکستانی فلم اور ڈرامہ انڈسٹری کی معروف اور خوبرو اداکارہ نیلم منیر نے مشہور اداکار عمران عباس کے رشتے کے لیے ”ہاں“ کر دی ہے۔

فوٹو اینڈ ویڈیو شیئرنگ ایپلی کیشن انسٹا گرام پر گردش کرنے والی ایک ویڈیو میں دیکھا جا سکتا ہے کہ اے آر وائی کے مارننگ شو کی میزبان ندا یاسر، ان کے شوہر یاسر نواز اور اداکارہ نیلم منیر گفتگو کر رہے ہیں۔

اس بیٹھک کا انعقاد ان کی نئی آنے والی فلم ”چکر“ کی پروموش کے لیے کیا گیا۔ اس دوران نیلم منیر سے ندا اور یاسر نواز نے دلچسپ سوالات پوچھے۔

گفتگو کے دوران ندا یاسر نے اپنے شوہر سے کہا کہ چلیں نیلم منیر کے لیے رشتہ ڈھونڈتے ہیں۔ یاسر نواز نے اداکارہ کے لیے عمران عباس کا نام دیا۔

 

View this post on Instagram

 

A post shared by . (@lollywood.zz)

نیلم منیر نے اس پر کوئی اعتراض نہیں اٹھایا بلکہ کہا کہ عمران عباس قبول ہوں گے، یہ نام ٹھیک ہے، عمران عباس اچھے انسان ہیں اور مجھے پسند بھی ہیں۔

انہوں نے مزید کہا کہ عمران عباس مثبت سوچ رکھنے والے انسان ہیں۔ نیلم منیر نے یاسر نواز کو مخاطب کرتے ہوئے کہا کہ آپ نے میرے لیے بہت اچھا نام تجویز کیا ہے۔

Comments

یہ بھی پڑھیں