پاکستان شوبز انڈسٹری کی معروف اداکارہ نیلم منیر خان نے شوبز انڈسٹری چھوڑنے کی خبروں پر خاموشی توڑ دی۔
حال ہی میں شادی کے بندھن میں بندھنے والی شوبز اسٹار نیلم منیر نے فوٹو اینڈ شیئرنگ ایپ انسٹاگرام اسٹوری پر شوبز انڈسٹری چھوڑنے کی خبروں کو مسترد کرتے ہوئے واضح کیا کہ وہ اپنے اداکاری کے کیریئر سے دستبردار نہیں ہو رہی ہیں۔
انسٹاگرام اسٹوری پر ایک بیان میں نیلم خان نے لکھا کہ میرے بارے میں بہت ساری افواہیں گردش کر رہی ہیں، اس لیے میں نے سوچا کہ مجھے ان تمام غلط معلومات کی وضاحت کرنی چاہیے۔
نیلم منیر نے لکھا کہ ہاں میں نے شادی کر لی ہے اور نہیں میں شوبز نہیں چھوڑ رہا ہوں، اداکاری میرا جنون ہے اور میں ایسی چیز کو کیسے چھوڑ سکتی ہوں جو مجھے بہت پسند ہے۔
واضح رہے کہ نیلم منیر نے سال 2025 کے آغاز میں ہی اپنی زندگی کے سب سے حسین سفر کا آغاز کیا اور شادی کے بندھن میں بندھ گئیں۔
View this post on Instagram
نیلم منیر نے دبئی میں مقیم، صوبے پنجاب کے شہر میانوالی سے تعلق رکھنے والے محمد راشد نامی شخص سے شادی کی جنکا ٹریول اینڈ ٹورازم کا بزنس اور 3 سے 4 ریسٹورنٹس ہیں۔
نیلم منیز نے شادی کے بعد سے ایسی پوسٹس شیئر کیں جو انکے مذہب کی جانب بڑھتے رجحان کو بیان کر رہی ہیں، اداکارہ زمین پر بچھی جائے نماز کی تصویر بھی شیئر کر چکی ہیں۔
