معروف اداکارہ نیلم منیر نے سیاست دانوں کی نااہلی پر سوال اٹھا دیا، انہوں نے کہا کہ سیلاب متاثرین بے گھر اور دربدر ہیں لیکن ہمارے سیاست دان اقتدار کے لیے ایک دوسرے سے لڑ رہے ہیں۔
تفصیلات کے مطابق معروف اداکارہ نیلم منیر نے سماجی رابطے کی ویب سائٹ انسٹاگرام پر سیلاب زدگان کی تصاویر شیئر کردیں۔
تصویر کے کیپشن میں انہوں نے لکھا کہ سیلاب نے پورے ملک میں تباہی مچادی ہے۔
انہوں نے لکھا کہ بے گھر، دربدر اور تباہ حال لوگ خوفزدہ اور پریشان ہیں، لیکن ہمارے سیاست دان اقتدار کے لیے ایک دوسرے سے لڑ رہے ہیں۔
View this post on Instagram
اداکارہ کا کہنا تھا کہ یہ لوگ اللہ کے سامنے اپنی صفائی کیسے پیش کرسکیں گے؟
اس سے قبل متعدد دیگر اداکار بھی سیلاب سے تباہ کاریوں پر افسوس کا اظہار اور امداد کی اپیل کرچکے ہیں۔
