شوبز انڈسٹری کی معروف اداکارہ نیلم منیر کی مایوں کی تصاویر سوشل میڈیا پر وائرل ہوگئیں۔
فوٹو اور ویڈیو شیئرنگ ایپ انسٹاگرام پر اداکارہ نیلم منیر نے مایوں کی تصاویر شیئر کیں جس میں انہیں زرد رنگ کے جوڑے میں مہندی لگائے دیکھا جاسکتا ہے۔
ایک تصویر میں نیلم منیر والدہ کے ساتھ خوشگوار موڈ میں موجود ہیں۔
اداکارہ کی مایوں کے موقع پر کروائے گئے خوبصورت فوٹو شوٹ کی تصاویر بھی وائرل ہورہی ہیں جسے مداحوں کی جانب سے خوب سراہا جارہا ہے۔
View this post on Instagram
سوشل میڈیا کے مختلف پیجز پر بھی نیلم منیر کی مایوں کی تصاویر وائرل ہورہی ہیں۔
واضح رہے کہ ماڈل و اداکارہ نیلم منیر سے متعلق گزشتہ ماہ خبریں سامنے آئی تھیں کہ وہ دسمبر 2024 کے اختتام تک رشتہ ازدواج میں بندھ جائیں گی۔
تاہم ایک پوڈکاسٹ میں انہوں نے ذاتی زندگی سے متعلق پوچھے گئے سوال پر وضاحت کی تھی اور بتایا تھا کہ فی الحال ان کا شادی کا کوئی ارادہ نہیں۔
View this post on Instagram
اداکارہ سے جب پوچھا گیا کہ کیا وہ کسی سے تعلقات میں ہیں یا ان کی زندگی میں کوئی شخص آنے والا ہے یا پھر ان کا شادی کا کوئی ارادہ ہے؟ تو اداکارہ نے نفی میں جواب دیا کہ ابھی ان کا شادی کا کوئی ارادہ نہیں۔
نیلم منیر نے مختصر جواب دیا کہ ان کا فی الحال رشتہ ازدواج میں بندھنے کا کوئی ارادہ نہیں، مستقبل میں دیکھا جائے گا۔
View this post on Instagram
گزشتہ ماہ نومبر میں شوبز ویب سائٹس اور سوشل میڈیا پیجز کی جانب سے دعویٰ کیا گیا تھا کہ نیلم منیر بھی دسمبر 2024 تک رشتہ ازدواج میں بندھ جائیں گی۔
