لاہور : پی ٹی آئی ورکر انیلا ریاض عرف نیلی پری کا ابتدائی بیان سامنے آگیا ، جس میں انیلا ریاض نے طاہر انجم پر تشدد کی وجہ بتائی۔
تفصیلات کے مطابق انویسٹی گیشن پولیس نے پی ٹی آئی ورکر انیلاریاض عرف نیلی پری کا ابتدائی بیان ریکارڈ کر لیا۔
ملزمہ نے بیان میں کہا ہے کہ اداکارطاہرانجم بانی پی ٹی آئی کے خلاف سوشل میڈیاپرپوسٹیں شیئرکرتاتھا، ان کو دیکھتے ہی میں طیش میں آ گئی تھی۔
انیلا ریاض کا کہنا تھا کہ طیش میں آکرمیں نےطاہرانجم کوتھپٹرمارےاورتشددکیا، طاہر انجم کو مارنے کی کوئی منصوبہ بندی نہیں کی تھی۔
View this post on Instagram
یاد رہے پی ٹی آئی کی ورکر انیلہ نے ن لیگی کلچرل ونگ کے رہنما طاہرانجم کی پٹائی کردی تھی ، انیلہ نے طاہر انجم کو بھوک ہڑتالی کیمپ کے باہرگریبان سے پکڑاتھپڑ مارے ، منہ نوچا اور کپڑے بھی پھاڑدیے تھے۔
بعد ازاں پولیس نے ن لیگ کلچرونگ کے صدر طاہر انجم پر تشدد کرنیوالی پی ٹی آئی کی کارکن کو گرفتار کرلیا تھا۔
