حکومت اور مذہبی جماعت کےدرمیان مذاکرات کامیاب ہوگئے جس کے بعد مظاہرین کچھ دیر میں فیض آباد دھرنا ختم کرنے کا اعلان کریں گے۔
ترجمان وزارت مذہبی امور کے مطابق وفاقی وزیرمذہبی امور نورالحق قادری کی قیادت میں حکومتی ٹیم نے فیض آباد میں جاری دھرنے کے شرکا سے مذاکرات کیے۔
وزیراعظم کی ہدایت پرنورالحق قادری نےمذہبی جماعت سےمذاکرات کیے۔ وزیرداخلہ، کمشنر اسلام آباد، مشیرداخلہ اور سیکرٹری داخلہ بھی مذاکراتی ٹیم میں شامل تھے۔
حکومتی ٹیم نے مذہبی جماعت کو منا لیا ہے اور مذاکراتی کی کامیابی کے بعد کچھ دیر میں دھرنا ختم کرنے کا اعلان کیا جائے گا۔
دھرنا کے شرکاء منتشر ہونے کے بعد وزارت داخلہ نے موبائل فون سروس کو بحال کرنے اور راستوں کی بندش کو ختم کر کے راستے کھولنے کی ہدایات جاری کر دی ہیں۔
اس سے قبل وزیر اعظم عمران خان نے فیض آباد میں جاری مذہبی جماعت کے دھرنے کا نوٹس لیتے ہوئے وزیر مذہبی امور نورالحق قادری کوفوری طلب کیا تھا۔ وزیراعظم نے پیر نورالحق کوفیض دھرنے والوں سے مذاکرات کی ہدایت کی تھی۔
