The news is by your side.

Advertisement

نیہا ککڑ کے شوہر کا قیمتی سامان چوری

ممبئی: بولی ووڈ کی پلے بیک سنگر نیہا ککڑ کے شوہر روہن پریت سنگھ کی قیمتی اشیا چرا لی گئیں۔

تفصیلات کے مطابق مشہور گلو کارہ نیہا ککڑ کے شوہر اور پنجابی گلو کار روہن پریت سنگھ کی قیمتی اشیا ہوٹل روم سے چوری ہو گئی ہیں۔

چوری کا واقعہ ہماچل پردیش کے ضلع منڈی میں پیش آیا ہے، جہاں ہوٹل میں روہن پریت کے موبائل سمیت ان کا قیمتی سامان چوری ہوگیا۔

روہن پریت کے کمرے سے نقد رقم، آئی فون، ہیرے کی انگوٹھی اور ایپل واچ چرائی گئی، روہن پریت کو چوری کا علم ہوا تو انھوں نے ہوٹل کے منیجر سے شکایت کی، تاہم ہوٹل میں مکمل چھان بین کے بعد بھی سامان نہ مل سکا، جس پر انھوں نے پر پولیس کو واقعے کی اطلاع دے دی۔

پولیس نے ہوٹل کے عملے اور وہاں مقیم تمام لوگوں کے باہر جانے پر پابندی لگاتے ہوئے، ہوٹل کے عملے سے پوچھ گچھ شروع کر دی ہے، سی سی ٹی وی فوٹیجز کی بھی جانچ کی جا رہی ہے۔

Comments

یہ بھی پڑھیں