لاہور : مسلم لیگ نون کے رہنما نہال ہاشمی وزیراعظم سے حساب کتاب لینے والوں کو دھمکانا شروع کردیا،نہال ہاشمی کا کہنا ہے کہ حساب لینے والوں سن لو تم کل ریٹائر ہوجاؤ گے، ہم تمہارے خاندان کیلئے زمین تنگ کردیں گے۔
تفصیلات کے مطابق لیگی رہنما نہال ہاشمی کی ویڈیو منظر عام پر آ گئی ، جس میں کارکنان سے خطاب کرتے ہوئے نہال ہاشمی نے جےآئی ٹی کو کھلےعام سنگین دھمکیاں دیتے ہوئے کہا کہ حساب لینے والو! آج حاضر سروس ہو، کل ریٹائر ہو جاؤ گے، تمہارا یوم حساب بنا دیں گے۔
انھوں نے کہا کہ تم جس کا احتساب کر رہے ہو وہ نوازشریف کا بیٹا ہے، کان کھول کے سن لو ہم تم کو نہیں چھوڑیں گے، ہم تمہارے خاندان کیلئے زمین تنگ کردیں گے۔
نہال ہاشمی نے کہا کہ تہمیں چین سے نہیں بیٹھنے دینگے، تمہارا وہ حشرکرینگے کے یاد رکھو گے، تم نواز شریف کو تنگ کررہے ہو اور قوم تمہیں تنگ کردے گی۔