اسلام آباد: وزیر اعظم عمران خان نے اقوام متحدہ کے ریزیڈنٹ ایڈیٹر نیل بوہن سے ملاقات کے دوران کہا کہ حکومت بچوں کی گروتھ پر خصوصی توجہ دے رہی ہے، انضمام شدہ قبائلی علاقوں میں ترقیاتی کام موجودہ حکومت کی ترجیح ہے۔
تفصیلات کے مطابق وزیر اعظم عمران خان سے اقوام متحدہ کے ریزیڈنٹ ایڈیٹر نیل بوہن کی ملاقات ہوئی۔ ملاقات میں وزیر اعظم کو اقوام متحدہ کی جانب سے مختلف حکومتی شعبوں میں تعاون پر بریفنگ دی گئی۔
Mr. Neil Buhne, UN Resident Coordinator, called on Prime Minister Imran Khan at PM Office.
Mr. Neil Buhne briefed the Prime Minister about the engagement of various UN agencies with relevant government departments and ministries in critical areas. pic.twitter.com/rstZTKgJTL— Govt of Pakistan (@pid_gov) July 31, 2019
ملاقات کے دوران ملک میں گڈ گورننس، تعلیم و صحت اور یوتھ کے شعبوں میں اقوام متحدہ کے کردار پر بات چیت کی گئی۔ ریزیڈنٹ ایڈیٹر نے حکومت کی جانب سے گڈ گورننس کے لیے اقدامات کی تعریف بھی کی۔
نیل بوہن کا کہنا تھا کہ ماضی کی حکومتوں میں بہت سے اقدامات کو نظر انداز کیا جاتا رہا، موجودہ حکومت کی اسٹنٹتھ گروتھ، صحت اور درخت لگانے میں سنجیدگی قابل تعریف ہے۔ ماحولیاتی چیلنج اور غربت کے خاتمے کے لیے منصوبہ بندی بہترین ہے۔
وزیر اعظم عمران خان نے بھی حکومتی ترجیحات سے متعلق نیل بوہن کو آگاہ کیا۔ وزیر اعظم کا کہنا تھا کہ حکومت بچوں کی گروتھ پر خصوصی توجہ دے رہی ہے، انضمام شدہ قبائلی علاقوں میں ترقیاتی کام موجودہ حکومت کی ترجیح ہے۔ انضمام شدہ قبائلی علاقوں کے لیے فنڈز کا اجرا کیا ہے۔
وزیر اعظم نے احساس پروگرام سے بھی نیل بوہن کو آگاہ کیا، انہوں نے پروگرام میں اقوام متحدہ کے تعاون کو سراہا۔ انہوں نے کہا کہ آبادی میں اضافہ بچوں کی بنیادی تعلیم اور بنیادی صحت سےجڑا ہوا ہے۔
ملاقات کے دوران ملک میں پولیو کے خاتمے سے متعلق اقدامات بھی ملاقات میں زیر بحث آئے، وزیر اعظم نے بلین ٹری سونامی پروجیکٹ سے نیل بوہن کو آگاہ کیا۔ وزیر اعظم نے کہا کہ 10 ارب درخت لگنے سے ماحولیاتی تبدیلی پر مثبت اثرات پڑیں گے۔
نیل بوہن نے اقوام متحدہ کے تمام اداروں کی جانب سے مکمل تعاون کا یقین بھی دلایا۔
