17.3 C
Ashburn
ہفتہ, مئی 18, 2024
اشتہار

نیپال کی معروف گلوکار تریشلا بھی بابر اعظم کی مداح نکلیں

اشتہار

حیرت انگیز

نیپال کی معروف گلوکار تریشلا گرونگ بھی قومی کرکٹ کپتان کی مداح نکلیں، ان کا کہنا ہے کہ بابر جیسے کھلاڑی صدیوں میں پیدا ہوتے ہیں۔

ملتان میں ایشیا کپ کی تقریب میں اپنی آواز کا جادو جگانے والی نیپال گلوکارہ نے بابر اعظم کی تعریف کرتے ہوئے کہا ہے کہ بابر اعظم جس پائے کے کھلاڑی ہیں ایسے پلیئرز صدیوں میں پیدا ہوتے ہیں۔

تریشلا نے ایشیا کپ کی افتتاحی تقریب میں اپنی پرفارمنس کو زندگی کا یادگار لمحہ قرار دیتے ہوئے کہا کہ وہ پاکستان کے لیے دو ملی نغمے تیار کررہی ہیں۔ اگر انھیں موقع ملا تو وہ اسلام آباد اور لاہور جیسے شہروں میں بھی ضرور پرفارم کرنے آئیں گی۔

- Advertisement -

نیپالی گلوکارہ کے والد کا تعلق آرمی سے جب کہ وہ پیشے کے لحاظ سے ڈاکٹر ہیں، تاہم شوق نے انھیں گلوکارہ بنا دیا۔ وہ نیپال کی مقامی فلموں میں بھی گانے گاتی ہیں،؎

انھوں نے بتایا کہ ایشیا کپ میں پرفارمنس کے بعد بھارت سے بھی گانے کی آفر موصول ہورہی ہیں۔ فنکار، ہنر مند، کھلاڑی اور موسیقاروں کی کوئی سرحد نہیں ہوتی۔

تریشلا گرونگ نے کہا کہ نیپال کی کرکٹ ٹیم نے پاکستان اور بھارت جیسی بڑی ٹیموں کے خلاف کھیل کر تجربہ حاصل کیا ہے۔ ایشیا کپ میں نیپال کی کی نمائندگی ناقابل فراموش لمحہ ہے، نیپال میں ویسے کوہ پیمائی اور فٹ بال کافی مقبول ہیں۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں