اسلام آباد : حکومت نے بجلی مزید 7 روپے 90 پیسے فی یونٹ مہنگی کردی ، اطلاق جولائی کے بلوں پر ہوگا تاہم کے الیکٹرک صارفین مستثنی ہوں گے۔
تفصیلات کے مطابق حکومت نےعوام پربجلی گرادی ، نیپرا نے ماہانہ فیول چارجز ایڈجسٹمنٹ کی مد میں 7روپے 90 پیسے فی یونٹ اضافے کی منظوری دے دی۔
نیپرا کی جانب سے نوٹی فکیشن میں کہا گیا کہ سی پی پی اے جی نے7 روپے 96 پیسے فی یونٹ اضافے کی درخواست کی تھی، جس پر اتھارٹی نے27 جون 2022 کو ایف سی اے پرعوامی سماعت کی تھی۔
نیپرا کا کہنا تھا کہ اس سے قبل اپریل کا ایف سی اے صارفین سے 3 روپے 99 پیسے چارج کیا گیا تھا جبکہ مئی کا ایف سی اے اپریل کی نسبت 3روپے 91پیسے جولائی میں زیادہ چارج کیا جائے گا۔
اضافے کا اطلاق صرف جولائی کے بلوں پر ہوگا تاہم فیول پرائس ایڈجسٹمنٹ کااطلاق ڈسکوز کےتمام صارفین ماسوائے لائف لائن صارفین پرہوگا لیکن کے الیکٹرک صارفین پربھی نہیں ہوگا۔
