اسلام آباد : نیپرا نے بجلی مزید مہنگی کردی اور ماہانہ فیول چارجزایڈجسٹمنٹ کی مد 3 روپے 99 پیسے فی یونٹ کا اضافہ کردیا۔
تفصیلات کے مطابق نیشنل الیکٹرک پاور ریگولیٹری اتھارٹی (نیپرا) نے 3 روپے 99 پیسے فی یونٹ بجلی کی قیمت میں اضافہ کردیا اور نوٹیفکیشن بھی جاری کردیا۔
نوٹی فکیشن میں کہا گیا ہے کہ بجلی کی قیمت میں اضافہ اپریل کے ماہانہ فیول چارجزایڈجسٹمنٹ کی مدمیں کیاگیا، سی پی پی اے جی نے 4 روپے5پیسے فی یونٹ اضافےکی درخواست کی تھی۔
3روپے99فی یونٹ بجلی مہنگی ہونے کٓا اطلاق صرف جون کے بلز پرہوگا، اس کا اطلاق ڈسکوز کے تمام صارفین ماسوائے لائف لائن صارفین پرہوگا تاہم اضافے کا اطلاق کے الیکٹرک صارفین پر نہیں ہوگا۔
نوٹی فکیشن کے مطابق نیپرا نے 31 مئی 2022 کو ایف سی اے پر عوامی سماعت کی تھی، ریل کا ایف سی اے مارچ کی نسبت1 روپے 13 پیسے جون میں زیادہ چارج ہوگا۔
اس سے قبل مارچ کا ایف سی اےصارفین سے 2 روپے 86 پیسے چارج کیا گیا تھا۔
