کراچی : مہنگائی کی چکی میں پسے شہر قائد کے باسیوں کے لیے خوشخبری ہے کہ بجلی سستی ہونے کا امکان ہے۔
تفصیلات کے مطابق ملک بھر کے لئے بجلی مہنگی کراچی کے لئے سستی ہونے کا امکان ہے، کراچی والوں کے لئے بجلی 4 روپے 69 پسے فی یونٹ سستی ہونے کا امکان ہے، کمی اپریل کی ماہانہ فیول ایڈجسٹمنٹ کی مد میں کی جائے گی۔
نیپرا اتھارٹی کے الیکٹرک کی درخواست پر آج سماعت کرے گی۔منظوری کی صورت میں کے الیکڑک صارفین کو 7 ارب 17 کروڑ روپے کا ریلیف ملے گا۔
کے الیکٹرک کے علاوہ بجلی 10 پیسے فی یونٹ مہنگی ہونے کا امکان ہے۔ مئی کی ماہانہ فیول ایڈجسٹمنٹ کی مد میں درخواست پر آج سماعت ہوگی۔
گیس فکسڈ چارجز میں بڑا اضافہ، عوام پر کتنا بوجھ پڑے گا؟
سی پی پی اے کے مطابق مئی میں 12 ارب 75 کروڑ یونٹس سے زائد بجلی پیدا کی گئی بجلی کی لاگت 7 روپے 49 پیسے فی یونٹ رہی ۔ مئی کے لئے ریفرنس لاگت7 روپے 39 پیسے فی یونٹ مقرر تھی۔
