The news is by your side.

Advertisement

نیپرا کا ملک میں جاری لوڈ شیڈنگ کا سخت نوٹس

اسلام آباد : نیشنل الیکٹرک پاور ریگولیٹری اتھارٹی (نیپرا ) نے ملک میں جاری لوڈ شیڈنگ کا سخت نوٹس لیتے ہوئے پاور پلانٹس کے سربراہان کو کل طلب کرلیا۔

تفصیلات کے مطابق نیشنل الیکٹرک پاور ریگولیٹری اتھارٹی (نیپرا ) نے ملک میں جاری لوڈ شیڈنگ کا سخت نوٹس لےلیا۔

نیپرا کا کہنا ہے کہ ملک میں جاری لوڈ شیڈنگ پاور پلانٹس کی بندش کی وجہ سے ہے، اتھارٹی نے بند پاور پلانٹس کے سربراہان کو کل ہیڈکواٹرز میں طلب کر لیا ہے۔

نیپرا نے کہا ہے کہ پاورپلانٹس کی بندش پر سربراہان سے وضاحت طلب کی جائے گی۔

اتھارٹی نے این پی سی سی اورسی پی پی اے جی کو بھی کل طلب کر لیا جبکہ صارفین کی شکایات پرڈسکوز بشمول کے الیکٹرک کو بھی 19 اپریل کو طلب کیا ہے۔

خیال رہے ملک کے مختلف شہروں میں بدترین بجلی کی لوڈشیڈنگ کی جا رہی ہے ، جس کے باعث عوام پریشان ہیں۔

Comments

یہ بھی پڑھیں