اسرائیلی وزیراعظم نیتن یاہو نے ایران پر فتح کا دعویٰ کردیا ہے۔

اسرائیلی وزیراعظم نیتن یاہو نے کہا کہ ہم نے تاریخی فتح حاصل کی جو نسلوں تک یاد رکھی جائے گی، ایران کی جنگ میں ہمارے اہداف مکمل ہوئے ہیں۔

نیتن یاہو نے جنگ بندی کو اسرائیل کی کامیابی قرار دیا ہے۔

اس سے قبل ایران کےخلاف جنگ میں سیزفائر کے اعلان کے بعد اسرائیلی فوجی سربراہ لیفٹیننٹ جنرل ایال ضمیر نے کہا تھا کہ ایران کیخلاف مہم نئے مرحلے میں داخل ہوچکی ہے، مہم کا ایک اہم مرحلہ مکمل ہوا مگر مکمل خاتمہ نہیں ہوا۔

یہ پڑھیں: ایران کیخلاف اہم مرحلہ مکمل کرلیا مہم ابھی ختم نہیں ہوئی، سربراہ اسرائیلی فوج

ان کا کہنا تھا کہ نئے مرحلے کی بنیاد گزشتہ کامیابیوں پر رکھی گئی ہے، اب توجہ غزہ پر ہے، حماس کے خاتمے پر کام جاری ہے۔

صدرٹرمپ نے نیتن یاہو سے گفتگو میں دو ٹوک الفاظ میں سخت مؤقف دیا تھا، ٹرمپ نے جنگ بندی کے بعد ایران پر اسرائیل کے شدید حملے پر بات کی تھی۔

ڈونلڈ ٹرمپ کے فون کے بعد نیتن یاہو کو سمجھ آگئی کہ ایران پر مزید حملے مہنگے پڑینگے، اسرائیل نے جنگ بندی کے بعد پہلے ہی گھنٹے میں ایران میں 3 مقامات پر بمباری کی تھی۔