جنگی جنون میں مبتلا اسرائیلی وزیراعظم نیتن یاہو کا کہنا ہے کہ جنگ ختم کرنے پر اصرار کیا تو رفح پر چڑھائی کردیں گے۔
غیر ملکی ذرائع ابلاغ کے مطابق اسرائیلی وزیراعظم نیتن یاہو نے کسی بھی صورت غزہ میں جنگ بندی تسلیم کرنے سے انکار کردیا۔
اسرائیلی وزیراعظم نیتن یاہو کا امریکی وزیر خارجہ انٹونی بلنکن سے ملاقات کے دوران کہنا تھا کہ کوئی ایسا معاہدہ تسلیم نہیں جس میں جنگ کا خاتمہ شامل ہو۔
اُنہوں نے کہا کہ حماس نے جنگ ختم کرنے پر اصرار کیا تو معاہدہ نہیں ہوگا اور رفح پر چڑھائی کردیں گے۔
اسرائیلی وزیر اعظم کے بیان پر رد عمل میں اقوام متحدہ کے سربراہ نے خبردار کیا ہے کہ لاکھوں بے گھر فلسطینیوں کی پناہ گاہ رفح میں اسرائیلی آپریشن غزہ کی بربادی میں ناقابل برداشت اضافہ ہوگا۔
کیلیفورنیا یونیورسٹی میں اسرائیلی حامیوں کا فلسطینی حامیوں پر حملہ، متعدد زخمی
واضح رہے کہ غزہ کے رہائشی علاقوں پر اسرائیلی فوج کی جانب سے بمباری کا سلسلہ جاری ہے، جس سے مزید 33 سے زیادہ فلسطینی جام شہادت نوش کرگئے۔
