13.3 C
Ashburn
بدھ, مئی 29, 2024
اشتہار

برازیلی صدر کے بیان پر اسرائیل کا سخت ردِ عمل

اشتہار

حیرت انگیز

برازیلی صدر کے بیان پر رد عمل دیتے ہوئے اسرائیلی وزیراعظم نیتن یاہو نے کہا ہے برازیلی صدر کا بیان ہولو کاسٹ کو معمولی بنانا ہے، ان کا بیان یہودیوں پر حملہ ہے۔

غیر ملکی ذرائع ابلاغ کے مطابق اسرائیلی وزیر اعظم کا کہنا تھا کہ اسرائیل کا نازیوں اور ہٹلر سے موازنہ کرنا سرخ لکیر عبور کرنا ہے، برازیلی صدر کا بیان اسرائیل کے حق دفاع پر حملہ ہے۔

علاوہ ازیں اسرائیلی وزارتِ خارجہ کے بیان میں کہا گیا ہے کہ برازیلی صدر کے بیان پر احتجاج کے لیے برازیلی سفیر کو طلب کیا جائے گا۔

- Advertisement -

واضح رہے کہ برازیلین صدر کا کہنا تھا کہ اسرائیل غزہ میں فلسطینیوں کی نسل کشی کرکے ہٹلر کا کردار ادا کر رہا ہے، انہوں نے غزہ میں نسل کشی کو ہولوکاسٹ سے تشبیہ دی۔

رپورٹ کے مطابق برازیل کے صدر لولا ڈی سلوا کی جانب سے یہ بیان ایتھوپیا میں افریقی یونین کانفرنس سے خطاب کے دوران دیا گیا۔

برازیل کے صدر لولا ڈی سلوا کا کہنا تھا کہ تاریخ غزہ کی اس وحشیانہ جنگ کی مثال نہیں پیش کر سکتی، جو کچھ غزہ میں ہو رہا ہے وہ ماضی میں کبھی بھی نہیں ہوا۔

انہوں نے کہا کہ اس وقت غزہ میں جو کچھ ہو رہاہے یہ نسل کشی ہے۔ اسرائیل غزہ میں فلسطینیوں کی نسل کشی کر کے ہٹلر کا کردار ادا کر رہا ہے۔ غزہ جنگ ویسی ہی ہے جیسا ہٹلر نے یہودیوں کے ساتھ کیا تھا۔

ایران: فائرنگ سے ایک ہی خاندان کے 12 افراد قتل

برازیلین صدر کا مزید کہنا تھا کہ یہ انتہائی جدید اسلحے سے لیس فوج کی غزہ میں عورتوں اور بچوں کے خلاف جنگ ہے۔جو کچھ اسرائیلی فوج کی جانب سے کیا جارہا ہے یہ سپاہیوں کی سپاہیوں کے خلاف جنگ نہیں۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں