سعودی عرب کے سابق انٹیلی جنس چیف کے جواب میں اسرائیلی وزیراعظم نے سعودی عرب میں فلسطینی ریاست بنانے کی تجویز دے دی۔
دورہ امریکا کے دوران ایک چینل کو انٹرویو میں اسرائیلی وزیراعظم نیتن یاہو نے کہا فلسطینی ریاست کا قیام اسرائیل کی قومی سلامتی کیلئے خطرہ ہے۔
نیتن یاہو نے کہا سعودی عرب کے پاس بہت زیادہ زمین ہے، اسے اپنے ملک کے اندر فلسطینی ریاست بنانی چاہیے۔
سعودی اسرائیل تعلقات کے سوال پر نیتن یاہو نے کہا یہ تعلقات جلد قائم ہوں گے۔
دوسری جانب سعودی وزارتِ خارجہ نے نیتن کا بیانیہ مسترد کرتے ہوئے واضح کیا کہ فلسطینی ریاست کے قیام کے بعد ہی اسرائیل سے تعلقات قائم ہو سکتے ہیں۔
مصرنے بھی نتین یاہو کی تجویز کی مذمت کرتے ہوئے اسے غیر ذمے دارانہ قرار دیا، مصر کی وزارتِ خارجہ نے کہا ہے نیتن یاہو کی تجویز سعودی عرب کی خود مختاری کی خلاف ورزی ہے اور سعودی عرب کی سیکیورٹی مصر کیلئے سرخ لکیر ہے
