اقوام متحدہ کی لبنان میں تعینات عارضی امن فورس (UNIFIL) کو اسرائیلی وزیراعظم بنیامین نتن یاہو نے جنوبی لبنان سے انخلا کی سنگین دھمکی دی ہے۔
بین الاقوامی خبر رساں ادارے کی رپورٹ کے مطابق اسرائیلی وزیر اعظم نیتن یاہو نے ایک ویڈیو پیغام میں لبنان میں موجود UNIFIL فورسز پر اسرائیلی فوج کے حملوں کے حوالے سے اپنا موقف پیش کیا۔
اسرائیلی وزیراعظم نے زور دیا کہ UNIFIL کو اسرائیل کی انخلا کی درخواست پر غور کرنا چاہیے ساتھ ہی انہوں نے دعویٰ کیا کہ یہ الزام سراسر غلط ہے کہ اسرائیل نے جان بوجھ کر UNIFIL کے اہلکاروں کو نشانہ بنایا ہے۔
اسرائیلی وزیر اعظم نے حزب اللہ پر الزام عائد کرتے ہوئے کہا کہ وہ UNIFIL کی تنصیبات اور مقامات کو اپنی ڈھال کے طور پر استعمال کر رہی ہے۔
یاد رہے کہ اسرائیلی فوج نے گزشتہ روز بھی اسرائیلی فوج کے UNIFIL پر حملے کے بعد امن فورسز کو جنوبی لبنان سے نکل جانے کی وارننگ دی تھی۔
اسرائیلی فوج کے UNIFIL کے ٹھکانوں پر حملوں پر متعدد ممالک کی جانب سے تشویش کا اظہار کیا ہے اور اسرائیل سے ان حملوں کو فوری طور پر روکنے کا مطالبہ کیا ہے۔
یہ واقعات علاقائی کشیدگی میں مزید اضافے کا باعث بن رہے ہیں اور بین الاقوامی برادری کی تشویش کا سبب بن رہے ہیں۔
اس سے قبل اسرائیلی فوج نے لبنان کے شمالی علاقوں کو پہلی بار فضائی بمباری کا نشانہ بنایا، جس کے نتیجے میں 21 افراد کے شہید ہونے کی اطلاعات ہیں۔
القسام بریگیڈ کے حملے میں متعدد اسرائیلی فوجی ہلاک و زخمی
عرب میڈیا کا کہنا ہے کہ اسرائیلی فوج نے کاز غرتا ڈسٹرکٹ میں ایطو ٹاؤن میں 4 منزلہ عمارت کو نشانہ بنایا، حزب اللّٰہ کے المنار ٹی وی چینل کے دفتر پر میزائلوں سے حملہ کیا گیا۔
