تھرلر فلم ’پلیٹ فارم 2‘ نیٹ فلکس کے عالمی ٹاپ 10 چارٹ پر چھا گئی، اس سال کی ہٹ فلم 2019 میں ریلیز ہونے والی ’دی پلیٹ فارم‘ کا سیکوئل ہے۔
پانچ سال قبل ریلیز ہونے والے تجسس سے بھرپور پہلے پارٹ نے شائقین کو عجیب و غریب دنیا سے متعارف کرایا تھا جس میں ایک ایسی جیل بنائی گئی ہے جہاں قیدیوں کو نیچے اترتے ہوئے پلیٹ فارم کے ذریعے کھانا کھلایا جاتا ہے۔
نئی فلم اس جیل کے بارے میں ایک اور کہانی دکھاتی نظر آتی ہے اور یہ پہلی فلم کی کہانی کو آگے بڑھاتی ہے۔
پلیٹ فارم 2 کی کاسٹ میں ملینا اسمٹ، ہووک کیچکیرین، نتالیہ ٹینا، آسکر جیناڈا اور ایوان میساگ نے اداکاری کے جوہر دکھائے ہیں جبکہ اس کی ہدایت کاری کے فرائض گالڈر گزٹیلو- اروٹیا نے انجام دیے ہیں۔
نیٹ فلکس کے اسٹریمنگ چارٹ پر ’پلیٹ فارم 2‘ کو بڑی کامیابی ملی ہے، 30 ستمبر سے 6 اکتوبر تک غیر انگریزی زبان کے چارٹ میں فلم پہلے نمبر پر براجمان رہی اور فلم کو 19.4 ملین ویوز ملے۔
’پلیٹ فارم 2‘ نے غیر انگریزی زبان کی فلموں کے عالمی چارٹ پر بھی بہترین کارکردگی کا مظاہرہ کیا اور پانچویں پوزیشن حاصل کی۔
اگرانگریزی زبان کے چارٹ کی بات کریں تو ’پلیٹ فارم 2‘ مجموعی طور پر سب سے زیادہ دیکھی جانے والی فلم تھی۔ انگریزی زبان کی فلموں جو فلم چارٹ ٹاپر رہی وہ ’مس پیریگرین ہوم فار پیکیولیئر چلڈرن‘ تھی، جس کے صرف 7.1 ملین ویوز آئے۔
