پاکستانی شوبز انڈسٹری کی خوبرو اداکارہ نیلم منیر نے مداحوں سے نماز کی اہمیت پر زور دیتے ہوئے مذہبی فرائض پر ثابت قدم رہنے کی تلقین کر دی۔
نیلم منیر نے انسٹاگرام اکاؤنٹ پر اسٹوری شیئر کی جس میں لکھا ہے کہ ’کبھی بھی نماز کو کسی چیز کیلیے مت چھوڑیں، یہ جنت کی کنجی ہے‘۔
یہ بھی پڑھیں: نیلم منیر کا شادی کے بعد شوبز سے متعلق اہم اعلان
اداکارہ کو سوشل میڈیا پر لاکھوں صارفین فالوو کرتے ہیں جہاں وہ اپنی خوبصورت تصاویر، ویڈیوز اور پیغامات شیئر کرتی ہیں۔
گزشتہ روز نیلم منیر نے اپنے پختون مداحوں کو دل کی گہرائیوں سے خراج تحسین پیش کیا اور انہیں اپنی زندگی قرار دیا تھا۔
View this post on Instagram
وقفے کے بعد اسکرین پر اپنی واپسی کے بارے میں اداکارہ نے اعلان کیا کہ ’میں واپس آ گئی ہوں! اپنے پسندیدہ کام کرنے کیلیے پرجوش ہوں۔ ایک نئے تناظر اور محبت سے بھرے دل کے ساتھ واپس آنے کیلیے تیار ہوں‘۔
چند ماہ قبل نیلم منیر نے شادی کے اعلان کے ساتھ ہی سرخیوں میں جگہ بنائی لی تھی اور یہ ایک ایسا لمحہ تھا جس نے مداحوں کو حیران کر دیا تھا۔
اگرچہ انہوں نے اپنی ذاتی زندگی کی تفصیلات کو بڑی حد تک نجی رکھا ہے لیکن ان کے خیر خواہوں نے ان کے سفر کے ہر مرحلے میں حمایت جاری رکھی۔
