لاہور: پنجاب میں 24 گھنٹوں کے دوران کورونا وائرس کے صرف 24 نئے کیسز سامنے آئے اور صرف 4 اموات ہوئیں جبکہ شکست دینے والوں کی تعداد 82،563 ہو چکی ہے۔
تفصیلات کے مطابق پنجاب میں کورونا کے نئے کیسز کی تعداد میں زبردست کمی سامنے آئی ، پنجاب میں کورونا وائرس کے صرف 24 نئے کیسز رپورٹ ہوئے، جس کے بعد کورونا وائرس کے کنفرم مریضوں کی تعداد93،197 ہو گئی۔
ترجمان پرائمری اینڈ سیکنڈری ہیلتھ کیئر نے کہا لاہورمیں 11اورگوجرانوالہ میں 1کیس ، ملتان اورفیصل آبادمیں 2,2کیسز ، سرگودھا1،میانوالی 2اور ساہیوال میں 5کیسز رپورٹ ہوئے۔
ترجمان کے مطابق کورونا وائرس سے 4 مزیداموات ہوئیں اور کل تعداد2،148 ہوگئی جبکہ کورونا وائرس کو شکست دینے والوں کی تعداد 82،563 ہوچکی ہے اور اب تک739،253ٹیسٹ کیے جا چکے ہیں۔
خیال رہے ملک میں کوروناکیسز اور اموات میں بتدریج کمی کا سلسلہ جاری ہے ، چوبیس گھنٹے میں 8 اموات اور323 نئے کیسزرپورٹ ہوئے، جس کے بعد ملک میں کورونا سے صحتیاب مریضوں کی تعداد 2 لاکھ 48 ہزار آٹھ سو تہترہوگئی ہے جبکہ کُل اموات کی تعداد 6 ہزار کے قریب پہنچ گئی ہے۔
