محکمہ موسمیات نے سمندری طوفان شاہین کے حوالے سے چھٹا الرٹ جاری کر دیا۔
الرٹ میں کہا گیا ہے کہ بحریہ عرب پر موجود طوفان شاہین شدید سمندری طوفان میں تبدیل ہو رہا ہے شاہین طوفان 15 کلومیٹر فی گھنٹہ کی رفتار سے گزشتہ 6 گھنٹے میں مغرب اور شمال مغرب کی جانب بڑھا ہے۔
سمندری طوفان کراچی سے 400 کلومیٹر جبکہ240 کلو میٹر اوڑمارا اور 250 کلومیٹر گوادر کےجنوب مشرق کے فاصلے پر موجود ہے۔ سمندری طوفان کے اثرات سے گوادر، لسبیلہ اور بلوچستان کے دیگر اضلاع میں اب بھی طوفانی اور موسلادھار بارشیں ہوسکتی ہیں۔
کراچی، حیدرآباد اور ٹھٹھہ سمیت سندھ کے دیگر اضلاع میں تیز ہوائیں چل سکتی ہین جبکہ کل شام تک وقفے وقفے سے بارش ہوسکتی ہے
شدید سمندری طوفان شاہین مغرب اور شمال مغرب کی جانب ہفتے کی شام تک بڑھے گا جس کے بعد یہ طوفان جنوب مغرب میں مسقط عمان کوسٹ کی جانب بڑھے گا۔
محکمہ موسمیات کا کہنا ہے کہ سمندری طغیانی کے باعث ماہی گیر کھلے سمندر مین تین اکتوبر تک جانے سے گریز کریں۔
